Chwarae Teg - Torri Tir Newydd i Fenywod a'r Gweithlu

Gyda mwy na phymtheg mlynedd o brofiad, Chwarae Teg yw'r brif asiantaeth broffesiynol ym maes datblygiad economaidd menywod yng Nghymru. Rydym yn hyrwyddo addysg, entrepreneuriaeth, cydbwysedd rhwng bywyd a gwaith a gweithio hyblyg, gan helpu menywod i oresgyn y rhwystrau sy'n eu hatal rhag gwneud cyfraniad llawn a chyson yn yr economi.

Fodd bynnag, mae mwy i Chwarae Teg na dim ond chwalu rhwystrau. Mae gwrando ar anghenion busnesau ac unigolion a chreu cysylltiadau effeithiol gyda sefydliadau partner yn ein helpu i symbylu arferion gwaith arloesol:

Yn y cartref ac yn y gweithle, mae menywod ledled Cymru yn anelu'n uwch gyda chyngor gan staff medrus a phrofiadol Chwarae Teg.
Mae ein cymorth ymarferol yng nghyswllt gweithio hyblyg a chydbwysedd rhwng bywyd a gwaith yn cynnig manteision sylweddol i unrhyw fusnes, drwy helpu cyflogwyr i fanteisio i'r eithaf ar botensial eu hased mwyaf gwerthfawr, sef gweithlu talentog ac amrywiol.
Mae ein gweithdai a'n digwyddiadau hyfforddi ac ymgynghori hwylus yn cyfrannu'n weithredol at lwyddiant menywod unigol ac at ganlyniadau gwaelodlin cyflogwyr.
Drwy weithio gyda ni, gall menywod ddysgu sgiliau newydd, cychwyn busnesau newydd a chymryd mwy o ran mewn penderfyniadau lefel uchel ac uwch reoli.
Rydym yn defnyddio ymchwil arloesol, polisi cyfredol ac arfer gorau i gynhyrchu buddiannau ariannol a busnes i gyflogwyr.

Gan fod meithrin cysylltiadau cadarn wrth wraidd gwaith Chwarae Teg, byddwn yn datblygu partneriaethau ysbrydoledig gyda chyflogwyr, cyrff dylanwadol a sefydliadau