Hafan > Polisi & Ymchwil > Trafodaeth Diwrnod Rhyngwladol y Menywod

Trafodaethau Chwarae Teg - Cysylltu gyda Menywod yng Nghymru

Dathlu Diwrnod Rhyngwladol y Menywod 2010...

I nodi Diwrnod Rhyngwladol y Menywod eleni, cynhaliodd Chwarae Teg dair trafodaeth i ddarganfod beth mae menywod yng Nghymru yn ei feddwl o'r materion yn ymwneud â chydraddoldeb a'r economi.

Cynhaliwyd trafodaethau mewn tri lleoliad ar draws Cymru, Caerdydd, Castell Newydd Emlyn a Bae Colwyn - rhwng dydd Mawrth 9 Mawrth a dydd Iau 11 Mawrth. Daeth cynrychiolyddion o ystod eang o sefydliadau at ei gilydd ac fe drafododd pob grwp y pynciau canlynol:

Menywod - Gwario'n helaeth, ennill yn isel. Pa rôl y mae menywod yn ei chwarae yn yr economi?
Lle mae'r Gofal mewn Gyrfa? Rôl menywod fel gofalwyr heddiw yn ogystal â'r dyfodol

Mae canlyniad pob trafodaeth bellach ar gael i'w gweld ar lein. Cliciwch yma i weld y Datganiadau Cytûn gan ein cynrychiolyddion yn Ne Cymru, Gorllewin Cymru a Gogledd Cymru.

Diolch i bawb a gymerodd ran i wneud y trafodaethau hyn yn rhai llwyddiannus dros ben

Beth sy'n digwydd nesaf?

Yn yr wythnosau i ddod, bydd Chwarae Teg yn cynhyrchu adroddiad yn cyfuno darganfyddiadau'r holl drafodaethau mewn un dogfen gynhwysfawr. I dderbyn hysbysiad o pryd fydd yr adroddiad hwn ar gael ar gyfer lawr lwytho ar lein e-bostiwch john.jackson@chwaraeteg.com

Eisiau bod yn gysylltiedig?

Dweud eich Dweud a Chynnal eich Trafodaeth eich Hun

Mae cysylltu gyda menywod ac archwilio'r materion allweddol yn ganolog i waith Chwarae Teg. Mae ein polisi a'n ymchwil bob amser yn seiliedig ar dystiolaeth ymarferol ac yn cael ei siapio gan farnau menywod go iawn, sy'n byw a gweithio yng Nghymru.

I fedru cynorthwyo menywod ar draws Cymru a rhoi'r cyfle iddynt ymuno yn y drafodaeth, rydym wedi paratoi canllawiau i redeg eich trafodaeth eich hunan a gallwch edrych arno trwy glicio yma. Trwy gynnal trafodaeth byddwch yn cynorthwyo i siapio dyfodol ein gwaith a helpu i sicrhau fod menywod yn cael y cyfle i gael mewnbwn wrth ddatblygu'r agenda ar gyfer materion menywod yng Nghymru.